“Reddit” platformasında “Updawg” istifadəçi adı ilə tanınan şəxs dünyada ilk dəfə olaraq Antarktidada məşhur “Diablo 2” oyununu oynadığını açıqlayıb. O, bunu sübut etmək üçün “AYN Thor” adlı portativ Android əsaslı konsolda çalışan oyunun şəklini də paylaşıb.
Maraqlısı budur ki, cihaz təxminən -30°C şaxtada belə problemsiz işləyib və oyun normal şəkildə icra olunub. Bu hadisə həm texnologiyanın dözümlülüyünü, həm də oyunsevərlərin sərhəd tanımadığını bir daha sübut edir.
Qeyd edək ki, “Diablo 2” 2000-ci ildə “Windows” və “Mac” əməliyyat sistemləri üçün buraxılmış və “Action RPG” janrında kult statusu qazanmış oyunlardan biridir. O, qaranlıq atmosferi, maraqlı süjeti və asılılıq yaradan oyun mexanikası ilə milyonlarla istifadəçini illərlə öz təsiri altına alıb.
Dərc edildi:
10.12.2025
_1782639703.webp)
